Scannánóireacht
Inbhuanaithe
Tá Screen Ireland tiomanta do chuspóirí comhshaoil agus is féidir leo áirimh charbóin agus deimhniú Albert a sholáthar do thionscadail atá á scannánú in Éirinn anois.
Is iad inbhuanaitheacht shóisialta, inbhuanaitheacht eacnamaíoch, agus inbhuanaitheacht chomhshaoil na trí cholún inbhuanaitheachta.
Ó thaobh na scannánaíochta de, baineann an ghné shóisialta le sláinte agus folláine na n-aisteoirí agus na foirne. Tá téamh/soilsiú agus aeráil na n-ionad oibre chomh tábhachtach céanna le forbairt ghairmiúil, cleachtas cothrom oibre agus ionchuimsiú sóisialta.
Ar Inbhuanaitheacht Eacnamaíoch san earnáil scannánaíochta, d’áireofaí leanúnachas oibre, cumhachtú agus tacaíocht do ghnólachtaí dúchasacha scannánaíochta agus an tacaíocht chiorclach do na pobail ina n-oibrímid.
Bheadh go leor daoine den tuairim gurb í an Inbhuanaitheacht Chomhshaoil an ghné is práinní. Ar láimh amháin, is féidir le próiseas na scannánaíochta borradh dochreidte a chur faoi gheilleagar áitiúil ach ar an láimh eile, ídítear an oiread sin ‘fuinnimh’ leis thar a shaolré, go bhfuil an seans ann go n-imreofaí leis tionchar diúltach ar an gcomhshaol.
Go hiondúil, gineann teicneoir scannáin aonair suas le 2.5 tonna carbóin ar shiút ocht seachtaine, nó 32 tonna in aghaidh na bliana
Melanie Dicks 2009 Nurturing the Greenshoots of sustainable filming | Urraithe | Craoladh.
Inbhuanaitheacht
a Bhainistiú do
do Léiriúchán
Is iad Déan Cumarsáid, Tomhais, agus Gníomhaigh na trí chéim chun inbhuanaitheacht do léiriúcháin a bhainistiú.
Déan Cumarsáid
Spreag do fhoireann nó do chriú chun cinntí inbhuanaitheacha a dhéanamh.
Is féidir le comharthaíocht shimplí ag pointí bailithe dramhaíola timpeall na hoifige/stáitse/ceardlainne/suíomh láithreáin a bheith éifeachtach chun an criú a spreagadh agus chun a mheabhrú dóibh a ndramhaíl a scaradh go cuí.
Is féidir leat lipéid/comharthaí tábhachtacha do d’oifig léiriúcháin a íoslódáil anseo:
Tomhais
Úsáid an Áireamhán Carbóin chun smacht a ghlacadh ar do thionchar carbóin. Cláraigh le Albert agus úsáid an uirlis chun d’astaíochtaí CO2 a thuar le linn réamhléiriúcháin. Cruthaigh plean léiriúcháin agus socraigh spriocanna duit féin; ansin geall go ndéanfaidh tú na coigeartuithe agus do sheó á chur ar siúl.
Gníomhaigh
Coinnigh an cúig rud a leanas i d’intinn i gcónaí:
- Gearr siar ar d’úsáid fuinnimh agus d’úsáid táirgí guaiseacha.
- Athchúrsáil – Déan athchúrsáil, déan sórtáil, agus bainistigh do dhramhaíl.
- Ath-úsáid – Bí ag athúsáid rudaí, a oiread agus is féidir
- Glac freagracht as do ghníomhartha.
- Smaoinigh ar fhoinsí malartacha fuinnimh/ábhair nuair a bhíonn tú ag athsmaoineamh. Cruthaigh earraí is féidir a athúsáid nó a athchuspóiriú – Bí cruthaitheach leis.