Cén fáth Cill Mhantáin?
Tacaímid le Scannánaíocht
Tá stair fhada rathúil ag Cill Mhantáin maidir le comhoibriú le comhlachtaí léiriúcháin. Is ionad ilfhreastail é Fís Chill Mhantáin chun cabhrú leat le gach riachtanas léiriúcháin atá agat. Cuirimid eolas agus cúnamh ar fáil do thionscadail scannáin agus teilifíse de gach méid atá lonnaithe sa Chontae. Tá muintir Chill Mhantáin an-fháilteach agus cabhrach agus tá siad bródúil as a bhfuil le tairiscint le tírdhreacha áille Chill Mhantáin ar an scáileán.
Faoiseamh Cánach
Is creidmheas cánach é ‘Alt 481’ lena spreagtar léiriúchán scannán agus teilifíse, beochan agus clár faisnéise cruthaitheach in Éirinn, a riarann Roinn Cultúir na hÉireann agus na Coimisinéirí Ioncaim.
Baineann an dreasacht le scannáin, drámaí teilifíse (aonair nó sraitheanna), beochana (seachas cluichí ríomhaire) agus cláir faisnéise chruthaitheacha. Ní mór go sásófar leis na tionscadail an Tástáil Cultúir agus an Tástáil Forbartha Tionscail.
Braitheann méid an fhaoisimh dlite ar chostais léiriúcháin an scannáin cháilithe. Tá uasteorainn ‘in aghaidh an tionscadail’ ar an gcreidmheas cánach suas le 32% den cheann is ísle de:
- Gach caiteachas incháilithe
- 80% de chostas iomlán an léiriúcháin
- €125 milliún
Féach tuilleadh eolais ar incháilitheacht agus treoirlínte anseo:
Criú
Tá Contae Chill Mhantáin ina bhaile do chriú áitiúil a bhfuil taithí mhór acu agus a bhfuil aitheantas domhanda acu. Chun liosta den chriú atá ar fáil a fheiceáil, féach ar Bhunachar Sonraí Criú & Seirbhísí Scáileáin ag an nasc thíos.
Saoráidí
Tá stiúideonna scannáin den scoth ag Cill Mhantáin, lena n-áirítear Stiúideonna an Aird Mhóir agus Stiúideonna Áth na Fuinseoige.
“Tá sé tábhachtach a mheabhrú go bhfuil stiúideonna scannáin Chill Mhantáin suite go foirfe mar tá suíomh tuaithe taobh le suíomh uirbeach agus gach acmhainn in aice láimhe, nach mór.”
Morgan O’Sullivan, Léiritheoir scannáin agus teilifíse
Stiúideonna an Aird Mhóir
Bunaíodh Stiúideonna an Aird Mhóir sa bhliain 1958, agus tá siad lonnaithe i mbaile Bhré cois cósta, Co. Chill Mhantáin, 12 mhíle / 19 gciliméadar ó dheas ó Bhaile Átha Cliath. Tá na stiúideonna thart ar 30 nóiméad ó Aerfort Bhaile Átha Cliath ar mhótarbhealach M50.
Tá an Ard Mór i staid uathúil chun pacáiste iomlán ilfhreastail a thairiscint d’áiseanna scannáin agus teilifíse den scoth a chuirtear in oiriúint do do riachtanais léiriúcháin agus buiséid ar leith.
Chuidigh tiomantas an stiúideo d’fhás leanúnach, dul chun cinn, agus infheistíocht i dteicneolaíocht úrscothach lena chur chun tosaigh i dtionscal scannánaíochta na hÉireann.
Sa stiúideo faoi láthair, tá níos mó ná 70,000 troigh chearnach de stáitsí léiriúcháin agus áiseanna tacaíochta agus tá seacht stáitse fuaime, saoráidí fairsinge léiriúcháin agus iar-léiriúcháin laistigh de dhá shuíomh chóngaracha.
Is cuid den bhonneagar tacaíochta iad oifigí léiriúcháin, ceardlanna, feisteas, gruaig agus smideadh, agus spás prapaí, seomraí feistis, bialann, agus cúlchríoch.
Aithníonn léiritheoirí ar fud an domhain branda an Aird Mhóir, tar éis iad a bheith bainteach le rathúlacht scannáin agus teilifíse náisiúnta agus idirnáisiúnta lena n-áirítear My Left Foot, Braveheart, The Field, Into the Badlands, Little Women (BBC), The Man Who Invented Christmas, The Tudors, agus léiriúcháin suntasach eile ar fad a scannánaíodh ag Stiúideonna an Aird Mhóir.
Fuair léiriúcháin ó Stiúideonna an Aird Mhóir 14 Oscair agus go leor gradam BAFTA, Golden Globe agus Emmy.
Féach tuilleadh eolais faoi Stiúideonna an Aird Mhóir anseo:
Stiúideonna Áth na Fuinseoige
Is stiúideo scannáin agus teilifíse úrscothach é Stiúideonna Áth na Fuinseoige a tógadh le sainchuspóir agus atá lonnaithe i mBaile Anraí, Áth na Fuinseoige, Contae Chill Mhantáin, 23 míle / 37 gciliméadar ó Lár Chathair Bhaile Átha Cliath agus 40 nóiméad ó Aerfort Bhaile Átha Cliath ar mhótarbhealach M50.
Tá Stiúideonna Scannáin Áth na Fuinseoige, a tógadh le sainchuspóir, suite ar 350 acra agus faoi láthair tá 4 stáitse (12,600 tr. ch., 14,400 tr. ch., 30,000 tr. ch. agus 6500 tr. ch.), a gcuirtear limistéir léiriúcháin sholúbtha éifeachtacha a dearadh de réir na gcaighdeán comhshaoil is airde ar fáil ar an uile cheann acu. Tá na stáitsí go hiomlán fuaimdhíonach, le hairde sileála 40 troigh, agus cuireann cosáin mhóra rochtain iomlán ar fáil do theicneoirí soilsithe. Tá 4 stáitse bhreise le hiomlán de 170,000 tr. ch. á bhforbairt. I measc na saoráidí tacaíochta, tá oifigí coimhdeacha, ceardlanna, agus ceantar mór cúlchríche.
Féach tuilleadh eolais faoi Stiúideonna Áth na Fuinseoige anseo:
Mol Scáileáin
Clermont
Istigh sa Mhol, cuirtear 10,000 tr. ch. d’áiteanna príobháideacha agus comhoibre ar fáil agus tá sé mar aidhm leis cruthú post a chur chun cinn trí thacú le gnólachtaí áitiúla a bhíonn ag feidhmiú in earnáil na scannán agus na gclosamharc.
Sa Mhol, cuirtear ar fáil spásanna sóisialta comhoibríocha, stiúideo podchraolta agus rochtain ar raon seomraí cruinnithe agus áiseanna oiliúna atá ann cheana ar champas níos mó Clermont. Beidh na háiseanna a chuirtear ar fáil ag an Mol ag fás agus ag athrú go leanúnach sa todhchaí de réir riachtanais athraitheacha na ngnólachtaí san earnáil.
Chun tuilleadh eolais a fháil féach ar
Teagmhálaithe
Seoladh
Campas Contae
Chill Mhantáin,
Clermont
Is eastát 55 acra é Campas Contae Chill Mhantáin faoi úinéireacht Chomhairle Contae Chill Mhantáin agus suite i meascán de phairceanna foraoise agus tailte talmhaíochta.
Tá réimse foirgneamh ar an gcampas, lena n-áirítear Coláiste Clermont agus Teach Clermont atá in aice leis. Tá oifigí agus réimse seomraí ranga agus seomraí cruinnithe ar an gcampas, agus tá go leor díobh ar fáil le ligean ar cíos. Is baile é an campas do Mhol Scáileáin Clermont, d’Fhís Chill Mhantáin agus don Oifig Fiontair Áitiúil freisin, i measc eile.
Tá gnéithe ó thréimhsí stairiúla éagsúla a théann siar go dtí na 1730idí i dTeach Clermont agus úsáideadh é mar shuíomh do léiriúcháin éagsúla. Tá neart páirceála ann agus rochtain éasca ar mhótarbhealach an N11. Tá an carrchlós mór ar fáil le ligean ar cíos mar bhunáit aonaid. Má tá suim agat Teach Clermont nó na tailte a úsáid mar shuíomh nó mar bhunáit aonaid do do léiriúchán, déan teagmháil le screenwicklow@wicklowcoco.ie
Teagmhálaithe
Suíomhanna
Do léiriúchán idirnáisiúnta, is suíomh den scoth í Éire. Is príomhionad í do léiriúchán scannán, teilifíse, agus beochana mar gheall ar a bonn chriú a bhfuil taithí mhór acu agus stiúideonna seanbhunaithe, chomh maith lena tírdhreach iontach agus creidmheas cánach iomaíoch.
Tá Éire tagtha chun bheith ina príomháit scannánaíochta, á bunú féin mar cheann de na timpeallachtaí léiriúcháin is tarraingtí ar domhan.
Iris Éagsúlacht
Le Sléibhte fhiáine Chill Mhantáin agus an cósta garbh, bothanna iargúlta agus sráid-dreacha uirbeacha, tithe móra stáit agus ailtireacht nua-aimseartha, tagann na gnéithe ar fad le chéile chun raon speisialta éagsúlachta de shuíomhanna a sholáthar le roghnú astu.
Chun sonraí iomlána a fháil ar an raon suíomhanna atá againn, téigh chuig ár leathanach suíomhanna mionsonraithe anseo.
Ag Teacht go Cill Mhantáin
Ní fhéadfadh sé a bheith níos éasca teacht go Cill Mhantáin. Tá an Contae suite díreach ó dheas ó Bhaile Átha Cliath. Tá sé thart ar 43 km / 26 míle ó Bhaile Átha Cliath go Cill Mhantáin.
Ar Eitleán
Tá Aerfort Bhaile Átha Cliath inrochtana go héasca ó Chontae Chill Mhantáin ar an M50 agus an M/N11.
Seirbhísí Bus
Freastalaíonn Bus Éireann ar Chontae Chill Mhantáin ó Bhaile Átha Cliath, Calafort Ros Láir, agus Port Láirge. Téigh chuig www.buseireann.ie chun tuilleadh eolais a fháil faoi bhealaí bus.
Seirbhísí Iarnróid
Tá Bré, na Clocha Liatha, Baile Chill Mhantáin, Ráth Droma, agus an tInbhear Mór ar fad ar líne Bhaile Átha Cliath / Ros Láir, a fhreastalaíonn ar an thaobh thoir de Chontae Chill Mhantáin. Stopann traenacha DART ag Bré agus na Clocha Liatha. Téigh chuig www.irishrail.ie chun tuilleadh eolais a fháil faoi sheirbhísí iarnróid.
Seirbhísí Farantóireachta
Tá rogha de chalafoirt agat ag brath ar an áit a bhfuil tú ag dul i gCill Mhantáin: Tá Calafort Bhaile Átha Cliath / an Port Thuaidh ó thuaidh, agus tá Calafort Eorpach Ros Láir i gCo. Loch Garman ó dheas.
Cóiríocht
Tá raon leathan roghanna cóiríochta i gCill Mhantáin, idir óstáin 5-réalta sómasacha agus chóiríocht leaba & bricfeasta ar phraghas réasúnta. Tá liosta cuimsitheach de roghanna cóiríochta i gContae Chill Mhantáin ar Visit wicklow.ie/eat-drink-stay/accommodation.
Déan teagmháil le Fís Chill Mhantáin má tá aon cheisteanna taistil eile nó ceisteanna cóiríochta agat nó más mian leat comhairle a fháil faoi na roghanna is fearr. screenwicklow@wicklowcoco.ie